Iwu bụ n´onye ọ bụla bi n´Austrịa ga-edebarịrị aha na akara ebe obibi ya. Ị kwafee ebe ọzọ, ọ bụ iwu na ị ga-eje kachapụ aha na akara ebe obibi gị nke ochie, n´ime mkpụrụ ụbọchị atọ, ma debanyekwa nke ọhụrụ ozigbo. Nde niile bi n´ụlọ ahụ ga-emekwa otu ihe ahụ, nke pụtara n´ọbụghị naanị gị ka-ọgbasara, kama ọgbasara ndị ezinụlọ gị niile, nakwa ụmụaka gị.
Ndị otu ezinụlọ gị, ndị nke bịara n´ikpe azụ, m´ọbụ ụmụọhụrụ ga-edebarịrị aha na akara nkea.
Ọ bụ ndị ụlọrụ ọchịchị dị icheiche n´Austrịa bụ ndị nkea dị n´aka, na-agbanyeghị akụkụ obodo ebe mmadụ jiri mere ebe obibi ya.
Ọ bụrụ n´isi obodo Vienna k´ijiri mere ebe obibi, ị ga-eje na nke ndị magistrat local government ha. Ọgaghị abụrịrị na nke ndị ụlọrụ ọchịchị dị n´akụkụ ebe mmadụ bi ka ọ ga-eme nkea. I nwere ike ije tinye aha na akara ụlọ ebe obibi gị na nke ndị ụlọrụ ọchịchị obodo ọ bụla ị chọrọ nke dị na Vienna.
Na State ndị nke ọzọ, ọbụ ndị ụlọrụ ọchịchị obodo dị icheiche, ndị nke dị na local government dịkwa icheiche, na-eme nkea.
A naghị akwụ ụgwọ maka idebanye aha na akara ebe obibi mmadụ. Iji gosi na-edebanyela aha na akara nkea, a ga-enye gị akwụkwọ nke anakpọ Meldebestätigung. A na-akpọ nkea `Meldezettel´ n´oge mbụ; enwere ndị na-akpọ ya aha nkea ruo taa.
Nkea bụ akwụkwọ ndị ị ga-eji nwee ike debanye aha na akara ebe obibi gị:
- Akwụkwọ mmadụ tinyere maka nkea (Application Form)
- Akwụkwọ njem Paspọt (nkea bụ iwu maka ndị niile si obodo ọzọ bịa)
- Akwụkwọ ejiri mụọ mmadụ (Birth Certificate)
- Akwụwkwọ gosiri digrii (Degree) mmadụ nwere
Quelle: BM.I